|| da ni rmad du byuṅ ba la bstod pa | khyod ni bdud las rnam rgyal te | | źes bya ba’i tshigs su bcad pa gñis kyis bśad par bya ste | khyod ni bdud las rnam rgyal te | | ’gro kun dad par mdzad pa yaṅ | | bdag gis chos ñid rjes bsams na | | chen po ltar (5)gaṅ ma mthoṅ ṅo | | sdaṅ bas rgol bar rtsol byed pa | | maṅ po’aṅ gźom par bya ba ni | | khyad par gnas la brten pa yi | | bzod pa’i tshigs su mtshar mi che | | chen po ltar gaṅ ma mthoṅ ṅo | | źes bya ba ni rmad du byuṅ ba lags źes bya ba’i tshigs su bcad pa gsum pa’i mthar bśad (6)par ’gyur ro | | chen po ma mthoṅ ba ni chuṅ ba’o | | ltar gyi sgra ni dper ro | | gaṅ gi sgra ni tshig kha skoṅ ba’o | | khyod kyi ñan thos gnas brtan ñer sbas kyaṅ bdud las rgyal lo źes thos nas khyod ni bdud las rgyal ba ni chen po ltar ṅo mtshar rmad du byuṅ ba ma mthoṅ ṅo źes bya bar dgoṅs pa’o | | (7)chos ñid rjes bsams na źes bya ba ni chos rnams kyi raṅ bźin ni chos ñid de | saṅs rgyas kyi chos rnams ñuṅ ṅu rjes su bsams na źes bya ba’i don to | | spyaṅ ki las seṅ ge rgyal ba źes mkhas pa rnams ṅo mtshar bar mi ’gyur ro | | bdag ñid kyi nus pa’i rjes su dpag pas kyaṅ ’gro kun dad (137a1)par źes bya ba la sogs pa smos pa la | ’gro kun źes bya ba ni ’chad par ’gyur ro | | dad par źes bya ba ni ṅo mtshar du gyur pa’o | | bdud las rgyal źes bya ba bdud las rgyal ba la brten nas so | | bdud ni ’dod pa’i lha źes bya ba lha’i bu ’byuṅ po bye ba sum cu rtsa drug (2)gis yoṅs su bskor ba mda’ bo che daṅ | mduṅ thuṅ brgya bcom ldan ’das la bsnun par byed ciṅ | tiṅ ṅe ’dzin gyi gegs byed pa’i phyir ñe bar gnas pas bgegs phra mo yaṅ byed ma nus źes bya ba’o | | khyod de las rgyal ba gaṅ yin pa de ni ’gro bas ṅo mtshar du brtsi ste | bdag (3)gis ni ma yin no źes bya bar dgoṅs pa’o |