| rgyu ci’i phyir źe na | bśad pa | rgol ba maṅ po’aṅ źes bya ba ni rgyas pa’o | | maṅ po źes bya ba ni ma lus pa ste | mthu daṅ ldan pa źes bya ba’i don to | | ’aṅ źes bya ba’i sgra ni gaṅ gi phyir źes bya ba’i don to | | sdaṅ bas rgol bar źes bya ba ni (4)mi ’gal ba’i bsams pas so | | gźom par bya ba źes bya ba ni rgyal ba’i phyir ro | | rtsol byed pa źes bya ba ni ñe bar gnas pa’o | | bzod pa’i tshigs su mtshar mi che | | źes bya ba ni ñan thos kyi gnas skabs la yaṅ bzod pas gźom par bya ba’i phyir dka’ ba byed pa ni ma yin no | | (5)khyad par gnas la brten pa ni bskal pa graṅs med pa gsum gyis dri ma med pa’i bsod nams daṅ ye śes thob par bya ba’i phyir skye ba phyi ma daṅ ldan pa’i byaṅ chub sems dpa’ ni khyad par gyi gnas so | | de la brten pa’i bzod pas bdud kyi ’khor daṅ mṅag gźug pa mi sdug pa (6)rnams las rgyal bar bya ba śin tu sla ba’i phyir na de ni ṅo mtshar mi che’o |