| gźan rmad du byuṅ ba bśad par bya ste | raṅ bźin dam pa legs gsuṅs daṅ | | mdzad spyod bzaṅ pos bsgrags pas na | | khyod kyi blo gros dgoṅs pa dag | rnam dag byis pa’i bar la grags | | źes bya ba ni rgyas (7)pa’o | | byis pa’i bar źes bya ba ni byis pa rnams las kyaṅ brtsams źes bya ba’i don to | | grags źes bya ba ni rab tu grags pa’o | | khyod kyi ni khyod kyi’o | | de gaṅ yin źe na | blo gros dgoṅs pa dag ni mi ’jigs pa la sogs pa’i blo gros te | śes rab kyi raṅ bźin yin pa’i phyir (139b1)ro | | dran pa ñe bar gźag pa gsum ni dgoṅs pa’o | | de dag gi rnam par dag pa ni ñon moṅs pa’i dri ma daṅ bral ba’i phyir ro | | de dag ji ltar byis pa rnams kyi bar la yaṅ grags śe na | smras pa | gaṅ gi phyir bsgrags pa źes bya ba ni rtogs śiṅ gsal bar gyur pa’o | | raṅ (2)bźin ni dgoṅs pa ste | de ñid mi ’jigs pa la sogs pa’i sems daṅ sems las byuṅ ba’i tshogs so | | de’i bsgrags pa ni rtags su gyur pa źes bya ba’i don to | | legs gsuṅs mdzad spyod bzaṅ po źes bya ba la | legs gsuṅs ni yoṅs su dag pa’i gsuṅ gi phrin (3)las so | | mdzad spyod bzaṅ po ni yoṅs su dag pa’i sku’i phrin las so | | bźad pa chuṅ ba’i bcom ldan ’das kyis sṅas pa’i yon tan rnams kyaṅ de dag gis gsal bar byas źes bya ba ste | gsaṅ ba gsal bar byas pa bźin no | | de bas na de rnams bsgrags pa yin no | | (4)de dag kyaṅ thugs dag pa mod na rnam par dag par mi ’gyur ro źes bya bas ni thugs kyi rnam par dag pa gsal bar mdzad do | | de bas na byis pa’i bar la yaṅ saṅs rgyas kyi chos zab mo rab tu grags so | | de ltar ’jig rten pa yaṅ zer te | rnam pa rtags daṅ ’gro ba daṅ | | spyod (5)pa daṅ ni smra ba daṅ | | mig daṅ gdoṅ gi rnam pa yis | | naṅ gi yid ni śes par bya | | źes bya bas rmad du byuṅ bar bstod pa bśad do |