| ji lta bu źe na | gaṅ gi phyir yul thams cad bsñen na daṅ bar mi ’gyur te | khyod kyi sku ni | khyod kyi sku de gaṅ gis ni | | źes bya ba la sogs pas bśad par bya ste | khyod kyi sku de gaṅ gis ni | | lan brgyar mthoṅ daṅ gaṅ źig gis | | daṅ por mthoṅ ba de gñi ga | ’dra ṅar mig (6)ni mgu bar mdzad | | gaṅ gi phyir mthoṅ źiṅ lan brgyar mthoṅ ba ni lan maṅ du źes bya ba’i don to | | brgya’i sgras ni maṅ po kho na ston pa’i phyir ro | | gaṅ źig gis daṅ por mthoṅ ba źes bya ba ni gaṅ zag gaṅ źig gis de’i sku daṅ por mthoṅ ba ste sku’i mtshan ñid ni bśad zin to | | mgu (7)bar mdzad pa ni raṅs par mdzad pa’o | | khyod kyi ni khyod kyi’o | | mig ni bde ba daṅ ldan pa’i mig gi rnam par śes pa skye ba’i phyir ro | | ’dra bar źes bya ba ni mtshuṅs par ro | | de gñi ga źes bya ba ni daṅ por mthoṅ ba ’ba’ źig tu ma zad kyi ’on kyaṅ gñi ga yaṅ ste lan brgyar mthoṅ (140b1)ba daṅ | daṅ por mthoṅ ba dag gi’o | | de lta bu’i tshigs su bcad pa gñis po ’dis skus dad pa skyed par mdzad pa ñid bśad do |