| gźan yaṅ | (3)khyod kyi sku ni ṅa dpal che | | źes pa ni rgyas pa’o | | dpal che ba ni skal ba daṅ ldan pa’o | | ṅa źes bya ba ni ṅa’o źes bya ba de lta bu’o | | khyod ces bya ba ni khyod kyi’o | | sku’i mtshan ñid ni bśad zin to | | gsuṅs źes pa ni gsuṅs pa’o | | gsuṅs pa ni srog chags kyi yul yin pa’i phyir te | (4)lta źes pa ni dpe’o | | brten pa ni sṅar bśad pa’i brten pa la’o | | ṅed legs bkod ces bya ba ni de rnams ṅed legs bkod ces bya ba’o | | slar gsuṅ pa ni slar yaṅ gsuṅ pa’o | | ’dra ba’i sgra ni sṅa ma bźin du bśad par bya’o | | de źes bya ba ni sku’o | | yon tan ni sṅar bśad zin to | | (5)bśad pa’i don ni ’di yin te | khyod kyi sku ni brten pa’i yon tan la gsuṅs pa lta bu ste | gaṅ ṅa dpal che ba daṅ ldan pa yin no źes bya bas ṅa la bla na med pa’i yon tan brten pa źes bya ba’o | | yon tan de rnams ni slar gsuṅs pa daṅ ’dra ba’i sku mtshan daṅ dpe byad kyis spras pa khyod la (6)yoṅs su dag pa’i phrin las dag gis ṅed rnams legs par bkod pa źes bya ba’o | | de ltar sku daṅ yon tan dag phan tshun rten daṅ brten pa ñid kyis gsuṅs pa bśad de sku la bstod pa bśad do |