|| sman pa mdzad pa ni (7)dbye ba rnam pa brgyad de | de la re źig thugs rje la bstod pas ni ’khor ba’i ñes pa mkhyen pa’i bcom ldan ’das kyaṅ thugs rjes yun riṅ por bźugs pa daṅ | | sems can rnams kyi de’i tshe śin tu sdug bsṅal źi bar bya ba’i phyir skye bo maṅ po’i gnas su bźugs pa daṅ dgon par (142b1)mi bźugs pa daṅ | da ltar byuṅ ba’i sdug bsṅal bzod spyod pa daṅ | bud med kyi spyod pa legs pa daṅ | mi legs pa daṅ ’dra ba’i thugs rje mṅa’ ba ste tshig gi don bźi’o | | de la bcom ldan ’das kyis smon lam la brten pas yoṅs su mya ṅan las ’das kyi bar du bkres pa (2)daṅ skom pa la sogs pa’i sdug bsṅal bzod spyod pa daṅ | ’khor ba’i skye bo gźan daṅ ’dra ba daṅ | rgyu la khyad par mi mṅa’ ba bśad par bya ste | ’gro ba ’di dag thams cad ni | | khyad med ñon moṅs rnams kyis bciṅ | | khyod ni ’gro ba’i ñon moṅs dag | dgrol slad yun riṅ (3)thugs rjes bsdams | | thams cad khyad med ces bya ba la thams cad ces bya ba ni khams gsum mo | | khyad med ces bya ba ni lha rnams nas dmyal ba’i bar du’o | | khyad par med pas na ñon moṅs pa rnams kyis bciṅs pa ni srid pa’i rtse mo’i ṅes par ma spaṅs pa’i phyir ro źes bya bar dgoṅs (4)pa’o | | ’khor bar ’gro ba ñon moṅs par byed ces pas na ñon moṅs pa rnams so | | de rnams kyis bciṅs źes bya ba ni ’khor ba las ma ’das pa’i phyir ro | | ’gro ba ’di źes bya ba ni sems can gyi ’jig rten ’di’o | | de ltar na ’jig rten pa ñon moṅs pa rnams kyis bciṅs (5)pas ’khor bar ñon moṅs par gyur to | | khyod ni ’gro ba’i ñon moṅs dag dgrol slad | | ces bya ba ni śes rab kyi mtshon chas ’gro ba’i ñon moṅs pa’i źags pas gcod pa’i phyir ro | | yun riṅ thugs rjes bsdam pa źes bya ba ni smon lam nas brtsams te yoṅs su mya ṅan las (6)’das kyi bar du’o |