| gaṅ gi phyir de ltar gyur pa de’i phyir na | | daṅ por khyod la phyag bgyi ’am | | ’on te gaṅ gis ’khor bar khyod | | skyon mkhyen yun riṅ de lta bur | | bźugs mdzad thugs rje che la bgyi | | daṅ por khyod la phyag bgyi’am | | źes bya ba la sogs pa smos pa la | ’am źes (7)bya ba’i sgra ni dri ba daṅ the tshom mo | | daṅ po ni daṅ po’o | | phyag ces bya ba ni phyag bgyi ba’o | | khyod la ni bcom ldan ’das la’o | | thugs rje che ba’i mtshan ñid ni bśad zin to | | ’on te ni yaṅ na źes bya ba’i don to | | gaṅ las the tshom ’di yin źe na | gaṅ gi phyir ’jig rten pa’i śes (143a1)pas loṅ ba ñon moṅs pa’i źags pas bciṅs pas ’khor ba’i sdug bsṅal ñams su myoṅ ba źes bya ba de ni ṅo mtshar ba ma yin no | | ’on kyaṅ gaṅ gis źes bya ba la sogs pa smos pa la | gaṅ gis ni thugs rje chen pos so | | de lta bu ni yaṅ dag par gyur (2)pa gsal bar byad pa’i śes rab kyis ’khor ba’i skyon mkhyen pa ste | ’khor ba ni ’gro ba rigs drug go | | bźugs pa ni bźugs par mdzad pa ste | | ’gro ba rnams kyi ñon moṅs pa yun riṅ por źi bar byed pa’i phyir ro | | de’i phyir | | daṅ por khyod la phyag bgyi’am | | źes pa la rnam par (3)rtog pa ni ’di yin no | | yon tan gyi the tshom bsal bar ma gyur na ma niṅ gi rtags kyi sbyor ba byas źes rtogs nas | | daṅ por khyod la phyag bgyi’am | | źes yoṅs su gdon to | | de lta bu’i tshigs su bcad pa gñis kyis śes rab kyis ’khor ba’i skyon mkhyen kyaṅ thugs rjes yun riṅ por (4)bźugs pa źes bśad do |