| (4)de lta bu’i tshigs su bcad pa gñis kyis bud med kyi spyod pa mi legs pa daṅ ’dra ba’i spyod pa bśad na | bud med kyi spyod pa legs pa de bśad par bya ste | tha mal pa’i skye bos kyaṅ bud med g-yon can dbaṅ du mi ’gyur te | ’on kyaṅ brtan pa’i khyad par can gyi byaṅ chub sems (5)dpa’ lta smos kyaṅ ci dgos te | de ltar khyod la gnod mdzad kyaṅ | | noṅs pa can du mi brtsi bas | | khyod kyi bźed pa kho na daṅ | | mthun ’jug pa ni legs par gda’ | | de ltar khyod la gnod mdzad kyaṅ | | źes bya ba ni rgyas pa’o | | khyod kyis srog pas kyaṅ gźan gyi srog la (6)gces par dgoṅs pa’o | | des na thugs rje ’di ni khyod kyi bźed pa daṅ rjes su mthun źiṅ khyod kyi thugs daṅ mi ’gal bar ’jug pa ni sems can la sman pa’i slad du ’jug pa’o | | legs pa ni yin pa’o | | ji ltar ’di śes par bya źe na | bśad pa | de ltar khyod la gnod (7)mdzad kyaṅ | | źes bya ba la sogs pa la | de ltar źes bya ba ni sṅa ma bźin du bśad par bya’o | | yaṅ na de ltar źes bya ba ni lan brgyar bcad nas gtor mar btaṅ ba la sogs pa’i rnam par des so | | kyaṅ ni gaṅ gi phyir gyi don to | | gnod mdzad kyaṅ źes bya ba ni gzir bar (145b1)yaṅ mdzad pa’o | | khyod ni bcom ldan ’das so | | mi brtsi bas ni legs pa yin gyi gdug pa can ni ma yin no źes bya ba’i don to | | gaṅ gi phyir noṅs pa can du mi brtsi źes | bud med gdug pa can ni dor ba’i rigs na khyod kyis thugs rje ’di dor bar ma mdzad pas (2)ṅes par ’di ni noṅs pa can du mi brtsi bas noṅs par mi mdzad pas źes bya ba’i don to | | de ltar ’dir dgoṅs pa daṅ rjes su mthun pa’i phyir thugs rjes bud med kyi spyod pa legs pa daṅ ’dra ba tshigs su bcad pa ’dis gsal bar rtogs par bya’o źes bya ba ste | (3)thugs rje la bstod pa’i bśad pa’o |