|| gsuṅ la bstod pa’i dbye ba bcu gcig ste | de la tshigs su bcad pa gaṅ gis tshig gi don gyi dbye ba gaṅ yin pa bśad pa de ni phyis bśad par bya’o | | de (4)la | tshig bzaṅ ba daṅ don che daṅ | | źes bya ba’i tshigs su bcad pa gñis te | tshig bzaṅ ba daṅ don che daṅ | | bden pa daṅ ni sñan pa daṅ | | zab gsal gñi ga’i don ldan daṅ | | bsdus daṅ spros pa daṅ ldan pa | | khyod kyi gsuṅ ni de lta bu | | khyod kyi dgra bos thos na yaṅ | | (5)thams cad mkhyen pa legs so źes | | su źig ṅes pa skye mi ’gyur | | tshig bzaṅ ba daṅ źes bya ba bśad par bya ste | tshig bzaṅ ba’i gsuṅ gaṅ la yod pa de ni tshig bzaṅ ba ste | tshig gsal ba źes bya ba’i don to | | tshig gsal ba yin na yaṅ sgeg pa’i sde ba sbyor la sogs (6)pa daṅ ’dra bar don mi tshe ba ma yin nam źe na | smras pa | don che ba ni mtho ris daṅ thar pa gsal ba’i phyir ro | | draṅ sroṅ ser skya la sogs pa’i tshig kyaṅ de ltar gsal ba yin te | ’on kyaṅ phyin ci log gi don gsal ba źes bya bas na de dag las kyaṅ khyad du bśad par bya ste | bden (7)pa źes bya ba ni phyin ci log ma yin źes bya ba’i don to | | bden ba ma yin pa phal che ba na sñan pa yin te | ’di dag ni bde ba daṅ sñan pa daṅ yaṅ yin te | mñan pa’i rigs so źes bya ba’i don to | | ji lta ba bźin du sbyor ba ni chuṅ du daṅ | ’briṅ daṅ | dbaṅ po rnon po’i gdul bya’i ṅo (146a1)bo’i phyir zab pa daṅ | gsal ba daṅ | gñi ga’i don gaṅ la yod pa de ni zab pa daṅ | gsal ba daṅ | gñi ga’i don daṅ ldan pa’o | | de la rten ciṅ ’brel par ’byuṅ ba’i tshig gi don daṅ ldan pa ni zab pa ste | za ba pa’o | | sbyin pa la sogs pa yaṅ pa’i don daṅ (2)ldan pa ni gsal ba’i don to | | rten ciṅ ’brel par ’byuṅ ba’i tshig gi don la sogs pa ni gñi ga’i don daṅ ldan pa’o | | bsdus pa ni mdor bsdus pa ste | ji ltar dge sloṅ dag gzugs źes bya ba’i chos spaṅ bar bya’o źes bya ba’o | | spros pa ni rgyas pa’o | | ’di lta ste | dge sloṅ dag (3)gzugs ni bdag ma yin te | dge sloṅ dag gzugs bdag yin na gzugs ni gnod pa daṅ sdug bsṅal bar mi ’gyur ro | | de gñi ga gaṅ la yod pa de ni bsdus pa daṅ spros pa daṅ ldan pa ste | gdul bya bsdus pa daṅ spros pa la dga’ ba’i dbaṅ du byas pa’i phyir ro |