| ’di’i phyir yaṅ mi slu ba ste | gaṅ slad (5)yul min dus min daṅ | | snod min rnams su mi ’jug pa | | de slad khyod gsuṅ don mchis te | | brtson ’grus legs par brtsams pa bźin | | gaṅ slad yul min dus min daṅ | | źes bya ba la sogs pa smos pa la | gaṅ slad ces bya ba ni gaṅ gi phyir ro | | yul min ni yul kho na la (6)rab tu ’jug pa ste | gdul bya’i dgos pa’i phyir ro | | ’di ltar cho ’phrul chen po ston par bźed pas rgyal po’i khab nas mñan yod du gśegs so | | gaṅ gi phyir dus min pa ni dus kho na la rab tu ’jug pa’o | | ji ltar yun riṅ por bcom ldan ’das kyis cho ’phrul chen po ston par mdzad (7)pa źes bya ba rgyal po gsal rgyal gyis dris pas źag bdun ’das pa na źes gsuṅs pa ste | dus de tsam gyis gdul ba’i rgyud des yoṅs su smin par gzigs pa’i phyir ro | | gaṅ gi phyir snod min ni rdzogs byed la sogs pa snod ma yin pa’o | | snod ni thar pa’i sa bon daṅ ldan pa’i (151a1)snod kho na ’jug pa’o | | de slad ni rgyu des don mchis pa ste khyod kyi gsuṅ ni don daṅ ldan pa’o | | saṅs rgyas bcom ldan ’das rnams ni ’bras bu don daṅ bcas pa’i chos ston pa źes bya ba’o | | ji lta bu źe na | | smras pa | brtson ’grus legs par brtsams pa bźin | | (2)źes bya ba ni bcom ldan ’das kyis gsuṅs te | byis pa’i brtson ’grus kyis ni le lo skye bar ’gyur ro | | śin tu brtsams ches pas ni rgod par ’gyur ro | | de ltar mtha’ gñis spaṅs nas bar ma’i lam gyis brtson ’grus brtsam par bya źes bya ba’o | | de ltar yaṅ dag par (3)brtsams pa’i brtson ’grus don daṅ ldan par ’gyur źiṅ ṅes par thar pa ñid du ’gyur ba de bźin du rgyu de las gsuṅ de ni don mchis pa źes bya ba’o | | de lta bu’i tshigs su bcad pa gñis kyis gsuṅ don daṅ ldan pa’i ’bras bu’i raṅ bźin te | dbye ba bcu gcig pa bśad pa ni gsuṅ la (4)bstod pa’i bśad pa’o |