| bstan pa rjes su mi bsgrub pa’i sdug bsṅal gaṅ yin (4)pa de bśad par bya ste | draṅ sroṅ skyes mchog khyod kyi bstan | | de ltar legs par khyab ’di la | | mi gus gaṅ lags de las ni | | sdug bsṅal chen po ’aṅ ci źig mchis | | de ltar legs par khyab ’di la | | źes bya ba la sogs pa smos pa la | de ltar źes bya ba ni raṅ (5)dbaṅ la sogs pa’i tshigs su bcad pas bsdus pa’o | | legs par khyab pa ni phan yon gyi tshogs kyi rgyu yin pa’i phyir ro | | bstan pa legs par khyab pa ni ṅes par legs par yaṅ dag par khyab pa źes bya ba’i don te khyod kyi bstan pa de daṅ sbyar ro | | draṅ sroṅ ni dgra bcom (6)pa’o | | de rnams kyi skyes mchog ni ’dren pa daṅ gtso bo źes bod pa’o | | bstan pa ni sṅar bśad zin to | | mi gus pa ni dad par mi byed pa’o | | gaṅ źes bya ba ni gaṅ gi don la yoṅs su spyod pa’o | | ci źig ces bya ba ni srid par brjod pa’o | | sdug bsṅal chen po’aṅ źes bya ba ni (7)śin tu raṅ don ñams pa źes bya ba’i don to | | de las źes bya ba ni mi gus pa las so | | bśad pa’i don ni ’di yin te legs par khyab pa’i rgyud khyod kyi bstan pa la mi gus pa’i phyir phyi rol du lta ba rnams kyi raṅ gi don chen po ñams pa ’di ñid yin te | gźan ni ma yin no źes (154b1)bstan pa la bstod pa’i bśad pa’o |