|| smon lam la bstod pa ni bcom ldan ’das kyis sṅon smon lam bźes pa ste | mthoṅ ṅam thos sam dran par gyur pa’am | | reg gam brjod pa’i tshig gi ñer ’gro yaṅ | | (2)rnam pa thams cad ’gro la phan pa ni | | bde daṅ ldan pa śin tu byed par śog | ces bya ba’o | | de’i ’bras bu daṅ bcas pa bstan par bya ste | khyod thos pas ni spro ba skye | | mthoṅ bas dad pa skye bar ’gyur | | khyod gsuṅ thos pas dga’ ’gyur te | | bstan pas rnam par grol bar (3)bgyid | | khyod thos pas ni spro ba skye | | źes bya ba la sogs pa smos pa thos pa la źes bya ba ni thos pa ste | saṅs rgyas źes bya ba’i dbyaṅs ’di’o | | spro ba skye ba ni mthoṅ ba las mos pa bskyed par mdzad de | dper na khyim bdag mgon med zas sbyin gyis saṅs rgyas źes bya (4)ba’i sgra sṅon ma thos pa thos pas dga’ źiṅ ba spu ldaṅ bas bstan pa la mos par gyur to | | de’i phyir bcom ldan ’das thos pa tsam gyis der ’gyur ro źes bya ba’i smon lam ’bras bu daṅ bcas pa bstan to | | ñe bar phoṅs pa’i srog chags rnams tshim par mdzad pa la sogs (5)pa’i raṅ bźin yin pa’i phyir dad pa skye par ’gyur ba ni dad pa skye bar mdzad pa ste | mthoṅ ba ni mṅon sum du byed pa’o | | de ltar mthoṅ bas phan par mdzad par ’gyur ro źes bya ba’o | | chos bstan pa’i gsuṅ gis dga’ bar ’gyur ba ni ñan pa po dga’ ba bskyed par mdzad pa źes bya ba’i (6)don to | | de ltar ’phags pa ñan thos kyis yaṅ dag par chos mñan pas dga’ ba skye bar ’gyur ba daṅ | sems khrugs par ’gyur ba daṅ | mya ṅan las ’das pa la mṅon du phyogs par ’gyur źes pa ni mdo’i tshig go | | rnam par grol bar bgyid pa ni ñon moṅs pa’i źags pa (7)dag las so | | bstan pas źes bya ba ni ’phags pa’i lam mo |