| gźan yaṅ | chos bstan pa ni med na yaṅ | | khyod kyi sras kyis mgu bar ’gyur | | ’phel bas skye dgu rnams kyaṅ dga’ | | gśegs pa ni phan ’dogs mdzad | | ldog pa na ni rgud par ’gyur | | khyod kyi (155a1)sras kyis mgu bar ’gyur | | źes bya ba ni rgyas pa’o | | sras ni lhums nas bltams pa ste | des mgu bar ’gyur ba ni byaṅ chub sems dpa’ skyes źes bya bas brgya byin la sogs pa rnams mgu ba bskyed pa’i phyir ro | | yaṅ na byaṅ chub thob pa ni sras te | | (2)des kyaṅ de bźin du mthar bde ba grub par mdzad pas na mgu bar ’gyur ba ni byaṅ chub sems dpas ’chi ba med pa lhag par rtogs par gyur to źes bya bas ni brgya byin la sogs pa rnams mgu bar gyur to źes bya ba’i don to | | ’phel ba ni ñan thos pa maṅ po ste | | des skye dgu rnams (3)kyaṅ dga’ ba ni ’jig rten pa rnams phun sum tshogs par mdzad pa źes bya ba’i don to | | dge sloṅ dag ñan thos gsar du dag spyod yul la spyod pa na skye bo maṅ po la phan pa daṅ | skye ba maṅ po la bde ba źes bya ba la sogs pa ji ltar gsuṅs pa’o | | gśegs pa ni bcom (4)ldan ’das gśegs pa ste | des phan ’dogs mdzad pa ni phan pa thams cad mdzad pa’o | | bcom ldan ’das spyod yul gyi groṅ du gśegs pa na sgaṅ mtho ba dma’ bar ’gyur ba daṅ | dma’ mo mthon por ’gyur ba daṅ | loṅ ba rnams kyis mig rñed par ’gyur ba daṅ | (5)’on ba rnams kyis rna ba daṅ | lkugs pa rnams kyis tshig rñed par gyur to źes bya ba ni luṅ ṅo | | ldog pa na ni bcom ldan ’das yoṅs su mya ṅan las ’das pa na ste | de rgud par gyur pa ni skye dgu rnams kyi raṅ gi don ñams pa’i phyir ro |