| gźan (7)yaṅ | sdig pa med pas yid daṅ ’thad | | sku gsuṅ bzaṅ bas dga’ bar mdzad | | don kun ’grub phyir dpal yaṅs te | | yon tan legs rten bkra śis lags | | sdig pa med pas yid daṅ ’thad | | ces smos pa la | yid daṅ ’thad pa ni yid daṅ ’thad pa’o | | (158a1)legs pa ni legs pa’o | | srog chags kun la źes bya ba’i rjes su ’jug pa’o | | sdig pa med pas źes bya ba ni dam pas smad pa’i lus la sogs pa’i las mi mdzad pa’i phyir ro | | dga’ ba ni dga’ ba’o | | sku daṅ gsuṅ bzaṅ ba ni dag pa’o | | ṅes pa’i (2)tshig so so yaṅ dag par rig pa’i mthar phyin pa’i phyir gsuṅ bzaṅ ba daṅ mtshan la sogs pas brgyan pa’i phyir sku bzaṅ ba ste | thos pa daṅ lta ba daṅ rjes su mthun pa źes bya ba’i don to | | dpal yaṅs źes bya ba ni phun sum tshogs pa’i rgyur bśad do | | de bas na bcom ldan ’das (3)kho na la dpal yaṅs so | | don kun ’grub phyir źes bya ba | don kun ni mtho ris daṅ thar pa la sogs pa gaṅ las ’grub pa de ni don kun ’grub pa’o | | de’i dṅos po ni don kun ’grub pa ste | rgyu de’i phyir na dpal yaṅs so | | yaṅ na bltas pa tsam gyis gter lṅa brgya gzigs par gyur (4)pa daṅ | rgyal po gźan kun gyis kyaṅ de’i yab zas gtsaṅ ma’i sku skyes kyi rgyu maṅ du bskur bar gyur to | | des na de’i yab kyis don thams cad grub pa źes mtshan btags pa de bas na dpal yaṅs so | | bkra śis la legs pa ni bkra śis pa ste | sdig pa ’joms pa źes bya ba’i don to | (5)gaṅ las śe na | bśad pa | | yon tan legs rten thams cad kyi gnas su gyur pa’i phyir ro | | de lta bus rnam pa thams cad daṅ | gnas skabs thams cad daṅ | mthoṅ ba daṅ thos pa la sogs pa’i smon lam ’bras bu daṅ bcas pas bcom ldan ’das kyi smon lam la bstod pa bśad (6)do |