|| lam la ’jug pa la bstod pa ni dbye ba bdun te | de yaṅ bśad pa’i skabs su bstan par bya’o | | de la | khyod ni rṅan thon bgyid la sku la | | źes bya ba’i tshigs su bcad pa gñis bśad par bya ste | khyod (7)ni ṅan then bgyid la skul | | chom rkun bgyid pa tshar yaṅ gcod | | gya gyu can rnams rnal du ’gad | | dal bus bgyid la bźen bskul ’dabs | | dul ba rnams ni lam la sbyor | | dmu rgod rnams la btaṅ sñoms mdzad | | de slad skyes bu ’dul ba yi | | kha lo sgyur ba bla med (158b1)mchog | khyod ni rṅan then bgyid la skul ba ni | | kha lo sgyur ba bla med mchog | ces bya bas ’chad par ’gyur ro | | dper na kha lo sgyur ba’i mchog gis śiṅ rta’i rta dag rṅan then ni gom pa gcig kyaṅ mi ’gro ba’i ṅaṅ tshul can la lcag dbyug gis rdeg pas skul bar byed pa de bźin du | (2)khyod kyaṅ skyes bu ’dul ba le lo’i dbaṅ gis ’khor bar gnas pa la ’khor ba’i sdug bsṅal daṅ | mya ṅan las ’das pa’i yon tan ston pa daṅ źi gnas skyed pa’i sbyor bas yoṅs su bskul ba ste | mya ṅan las ’das pa’i lam la ’dzud par mdzad pa źes bya ba’i don to | | ji (3)ltar lam las lam gźan du śiṅ rta ’dren pa’i rta rnams srab kyis blan nas kha lo sgyur bas tshar gcod pa de bźin du | khyod kyaṅ lam ṅan par gnas pa’i skyes bu gdul bya rnams chos bstan pa’i srab kyis tshar gcod pa ni lam bzaṅ po la ’dzud par mdzad ces bya bar dgoṅs (4)pa’o | | ji ltar gya gyu can rnams ni rta ’khyog par ’gro ba rnams śiṅ rta’i kha lo sgyur bas rnal du ’god ciṅ lam draṅ po la ’god par byed pa de bźin du | | khyod kyaṅ g-yo sgyu daṅ ldan pa’i skye bo gdul bya gaṅ yin pa de rnams rnal du ’god pa ni lam draṅ po la ’god par mdzad pa’o | | ji ltar (5)dal bus bgyid pa’i rta rnams la kha lo sgyur bas bźen bskul ’debs pa de bźin du ’bad rtsol dman pa gaṅ yin pa de rnams la | brtson ’grus bstan pas khyod bźen bskul ’debs so |