| kun dga’ bo brtson ’grus la brten nas rta bzaṅ po gaṅ yin pa de rnams kyi kha lo sgyur bas (6)lam du khyad par gyi khur khyer bar bya ba’i phyir lam la sbyor ba daṅ | de bźin du gaṅ gdul bya śa ra dva ti’i bu la sogs pa de rnams kyaṅ gdul bya’i dgos pa’i khyad par gyi mtshan ñid daṅ ldan pa’i lam la sbyor ba daṅ | de bźin du ś’a ri’i bu mñan yod kyi gnas na gnas pa’i skye (7)bo’i tshogs la dgoṅs su gsol źes bya ba de’i bkas ’phags pa ś’a ri’i bus rgyal byed kyi tshal gyi gnas su mu stegs pa mdun du ’gro ba daṅ mñan yod kyi skye bo’i tshogs bden pa mthoṅ ba la sogs par rab tu bkod do źes ji skad gsuṅs pa’o | | de lta bu’i tshig rkaṅ pa gcig (159a1)daṅ bcas pa’i tshigs su bcad pas źi gnas bskyed pa sṅon du ’gro bas ’phags pa’i lam la ’dzud pa ste | daṅ po’i dbye ba bśad do | | ji ltar dmu rgod ni rta mi srun pa rnams te | de rnams kha lo sgyur ba btaṅ sñoms su byed pa de bźin du khyod kyaṅ byaṅ chub kyi sa bon (2)ma blaṅs pa’i dmu rgod rnams la btaṅ sñoms mdzad pa ni lam la ’dzud par mi mdzad pa’o | | gaṅ gi phyir de gdul ba’i skabs la ma bab pa ste | thugs rje mi mṅa’ ba ni ma yin pa’i phyir ro | | thar pa’i sa bon daṅ ldan pa’i | | sems can la ston phyag byin pas | | ṅan soṅ dag daṅ srid (3)pa las | | rjes su brtse bas sgrol bar mdzad | | de lta bu’i tshigs su bcad pa ’dis sa bon daṅ bral ba rnams la dus de srid du btaṅ sñoms mdzad pa ste | dbye ba gñis pa’i bśad pa’o |