| de ltar rtogs pas ṅo mtshar ba’i yid kyis bstod pa byed pas bśad pa ni | e ma’o saṅs rgyas ’khor (5)ba yi | | ñiṅ khur gyur pa byuṅ ba brjid | | de ni mi yaṅ lha rnams kyis | | smon par bya ba ñid du gyur | | e ma’o saṅs rgyas ’khor ba yi | | źes bya ba ni rgyas pa’o | | e ma’o źes bya ba ni ṅo mtshar ba ste brjid ces bya ba daṅ sbyar ro | | ’khor ba ni ñe bar len pa’i phuṅ po lṅa’o | | (6)de’i ñiṅ khur gyur pa ni sñiṅ por bśad de | mar gyi sñiṅ po bźin du ’khor ba de’i ñiṅ khur ro | | gaṅ gis śe na | smras pa | saṅs rgyas byuṅ ba ni gźan gyis bstan mi dgos te | ñid kyis mi śes pa’i gñid bcom pa’i phyir saṅs rgyas źes bśad do | | sad pa’i skyes bu bźin (7)no | | de’i byuṅ ba ni skye ba ste | de’i brjid pa ni ’od kyi khyad par ro | | de ji ltar ṅo mtshar che źe na | bśad pa | de ni mi yaṅ źes bya ba la sogs pa la | mi ni mi’i skye ba ste skye ba dman pa yin pas kyaṅ ṅo | | de na źes bya ba ni gaṅ źig saṅs rgyas su byuṅ bar gyur pa’o | | lha rnams ni (163a1)brgya byin la sogs pa rnams kyis smon par bya ba ñid du gyur te | smon par bya ba ñid du gyur pa’o | | de ltar brgya byin gyis smon pa ni kye ma’o bdag gnas ’di nas ’phos nas | mi rnams kyi skal ba daṅ ldan par skyes nas skra daṅ kha spu bregs nas ji srid srid pa ’di las (2)gźan du mi len pa źes bya ba’i bar ni mdo’i tshig go | | lam la ’jug pa’i bstod pa’i bśad pa’o |