| ci raṅ gi don yin nam źe na | ma yin źes (163b1)bśad pa | ’gro ba’i don slad ni sems can la phan pa’i rgyu’o | | gaṅ źes bya ba ni gaṅ gis źes bya ba’i don gyi tshigs phrad de | brtson pa’i rgyu gaṅ gis brtson par mdzad pa’o | | de rmad do źes bya ba yaṅ dag par rdzogs pa’i saṅs rgyas so | | ci ’jig rten pa bźin du srid pas (2)de bźin du brtson par mdzad pa yin nam źe na | bśad pa | ma chags pa’i thugs kyis źes bya ba ni sred pa mi mṅa’ ba’i thugs kyis te | sred pa rtsa ba nas bton pa’i phyir ro | de rmad do źes bya ba ni dmigs par mi ’gyur ba ste | ’jig rten pa śin tu rmad du byuṅ ba yin pa’i (3)phyir kho bo cag ’dra bas bsam par mi nus so źes bya ba ni dgoṅs pa’o | | bcom ldan źes bya ba ni mchod pa’i tshig go | | saṅs rgyas rnams kyi ni de bźin gśegs pa rnams kyi’o | | saṅs rgyas źes bya ba ni bod pa’o | | chos ñid ni chos kyi raṅ bźin te thugs rje chen po źes (4)bya ba ni dgoṅs pa’o |