| gźan yaṅ | thog ma med dus goms pa yi | | mi yi (3)raṅ bźin maṅ po yab | | khyod kyis ṅan soṅ rnams bzlog nas | | skad cig ñid la yoṅs su bsgyur | | thog ma med dus goms pa yi | | źes bya ba la sogs pa smos pa la | thog ma med dus goms pa ni źugs pa ñid de | thog ma med dus goms pa’o | | maṅ po ni rnam pa (4)maṅ po can no | | raṅ bźin ni sems can rnams kyi ’dod chags daṅ źe sdaṅ daṅ gti mug gi bdag ñid can no | | khyod kyis ṅan soṅ rnams bzlog nas | | źes bya ba la | ṅan soṅ ni ṅan ’gro ste | rnam par bzlog pa ni gaṅ gis bzlog pa de ṅan soṅ rnams bzlog pa’o | | skad (5)cig ñid ces bya ba ni dus ñuṅ dus so | | yoṅs su bsgyur ba ni gźan du bsgyur ba’o | | ’dod chags kyi spyod pa daṅ ldan par gyur ba gaṅ yin pa de ni dbaṅ po thul bar gyur pa ste | dper na ’phags pa dga’ bo’i dbaṅ po thul ba bźin no | | źe sdaṅ gi spyod pa daṅ ldan par gyur (6)pa gaṅ yin pa de ni byams pa la gnas par gyur pa ste | dper na sor phreṅ bźin no | | de ltar ’dir yun riṅ por ’jug pa’i ñon moṅs pa rnams dus ñuṅ bas bzlog pas dka’ ba mdzad pa bśad pa ste | dka’ ba mdzad pa la bstod pa’i bśad pa’o |