| gźan yaṅ | dga’ bo dbaṅ po ñer źi daṅ | | ṅa rgyal kheṅs pa ’dud pa daṅ | | sor mo’i phreṅ ba’aṅ źi bgyis na | | su źig ṅo mtshar skyed mi bgyid | | dbaṅ po ñer źi źes bya ba smos pa la | dbaṅ (3)po ni mig la sogs pa rnams te | ñer źi ni ’dod chags la sogs pa’i yul la mi ’jug pa’o | | de la dga’ bo ni bcom ldan ’das kyi mched zla ste | ’dod chags kyi śas che ba bcom ldan ’das kyis btul bas dbaṅ po dul ba’i naṅ na mchog tu gyur to | | su źig ṅo mtshar skyed (4)mi bgyid | | ces bya ba daṅ thams cad la sbyar ro | | ṅa rgyal kheṅs pa ni śin tu ṅa rgyal daṅ ldan pa’i skye bo pa daṅ ma dag la yaṅ phyag ’tshal bar mi byed pa bcom ldan ’das kyis rab tu phyuṅ nas dgra bcom pa la bkod do | | ’dud pa ni dam pa daṅ rigs kyis rgan pa daṅ | rab tu byuṅ ba (5)rgan po rnams la yaṅ dag par ’dud par gyur to | | sor mo’i phreṅ ba gaṅ la yod pa de ni sor mo’i phreṅ ba’o | | de ñid rkun po mi’i sor mo’i phreṅ ba ’dzin pas srog chags stoṅ phrag gsod par byed pa bcom ldan ’das kyis btul lo | | sor mo’i phreṅ ba źi ba de la su źig ṅo mtshar (6)skyed par mi byed de | saṅs rgyas kyi bstan pa la dad pa daṅ ldan pa daṅ | dad pa daṅ mi ldan pa thams cad kyaṅ ṅo mtshar skyed par mdzad do źes bya ba ni dgoṅs pa’o | | de ltar rtsub pa la sogs pa’i rigs can daṅ ’jam pa la sogs pa’i rigs can du gyur pa źes bya ba’i tshigs su bcad pa (7)gñis kyis bcom ldan ’das skye ba la mkhas pa bśad do |