|| bu lon med (171b1)par bstod pa bśad par bya ste | bu lon ni ṅes par bya ba ste | de bsgrub pa’i phyir bu lon med pa ste | de’i raṅ bźin ni bu lon med pa’o | | de la bdud las rgyal ba’i phyir daṅ | dam pa’i chos la bkod pa’i phyir daṅ | gzugs sku’i dbye ba’i phyir sems can rnams la bu lon (2)med par bśad par bya’o | | de la ’dir re źig ’dir gleṅ bslaṅ ba bśad par bya ste | gaṅ gis khyod drin lan lon pa’i | | sgrub de mchis sñam ma bgyid de | | skye bo ’aṅ gaṅ dag mya ṅan ’das | | de dag gis kyaṅ lan ma lon | | khyod kyi chos la gnas de dag | raṅ don kho (3)na bgyid par bas | | de’i slad du ’o brgyal gaṅ | | de la lan go ci źig lon | | sgrub pa źes bya ba ni sgrub pa ste | | de mchis sñam mi bgyid ces bya ba ni ma mthoṅ ba źes bya ste | bstod pa mkhan gyis smras pa’o | | ji ltar sgrub par ’gyur ba ni sgrub ces bya ba’o | | drin ni phan pa źes bya (4)bar dgoṅs pa’o | | ’o na bde bar gśegs pa’i gsuṅ bskyaṅs pas mya ṅan las ’das pa gaṅ yin pa de ni bcom ldan ’das kyi drin la lan glon pa ma yin nam źan | | smras pa | skye bo’aṅ gaṅ dag mya ṅan ’das | | źes bya ba la sogs pa smos pa la | ’aṅ gi sgra ni bdag (5)ñid kyi che ba bstan te | gaṅ dag ces bya ba ni śa ra dva ti’i bu la sogs pa’o | | mya ṅan las ’das pa ni ñon moṅs pa daṅ skye ba zad par byed pa’o | | de dag gis kyaṅ lan ma lon pa ni de dag bu lon chags pa yin te | lan ma lon pa’i phyir ro |