| da ni bstod pa’i ’bras bu yoṅs su bsṅo ba bśad par bya ste | bdag gis thub la dad pas spobs skyes pa’i | | dge ba’i las ’di’i ’bras bu ’khruṅs pa yis | | ṅan rtog rluṅ dmar ’tshubs pas dkrugs pa yi | | ’gro (3)ba’i sems ni rnal du gnas par śog | dag pa’i las ’di’i ’bras bu ’khruṅs pa yis | | źes bya ba ni rgyas pa’o | | ’bras bu ’khruṅs pa ni ’bras bu byuṅ ba yis so | | ’di’i ni brgya lṅa bcu pa’i bstod pa las byuṅ ba ste | dge ba ni ṅag gi ṅo bo ñid kyi dge ba’i las kyi’o | | (4)ci ’dra ba źig ce na | smras pa | thub la dad pa źes bya ba la sogs pa ni thub pa la dad pa las byuṅ ba’i spobs pa ni śes rab ste | de las skyes pa ste byuṅ ba gaṅ yin pa de ni thub la dad pas spobs skyes pa ste | dge ba’i las de’i ’bras bu ’khruṅs pa yis so | | ’dod (5)chags daṅ gnod sems la sogs pa ni ṅan rtog go | | de ñid yul rnams la sems rnam par g-yeṅ ba’i phyir rluṅ dmar ’tshubs pa’o | | de yis ’tshubs pa ni ṅan rtog rluṅ dmar ’tshubs pas dkrugs pa’o | | ’gro ba’i sems ni rnal du gnas par śog | ces bya ba ni (6)skye bo thams cad kyi sems dbaṅ du gyur nas dgra bcom par gyur cig ces bya ba ni dgoṅs pa’o |