don śes don ston rab tu byed pa źes bya ba la sogs pa ni ci źes bstan pa (3) las brtsams pa yin no || su źig brgyan par byed ce na | don śes pa’o | rgyan ci źig brgyan par byed ce na | don ston rab tu byed pa’o || ces śe na || ṅag daṅ tshig rnams dri med pas te | ṅag dri ma med pas źes bya ba ni || groṅ khyer pa la sogs pas so || tshig dri ma med pas źes bya ba ni | tshig daṅ (4) yi ge rigs pa daṅ ’brel ba źes bya brgyas par ’byuṅ ba ste | ṅag daṅ tshig daṅ yi ge dag pa med par ni don bstan par mi nus so || gaṅ gi phyir źe na || sdug bsṅal bsgral ba’i phyir ro || gaṅ las śe na || sdug bsṅal ’gro la sñiṅ rje’i phyir te || de’i bdag gñid sdug bsṅal ba’i (5) ’gro ba la sñiṅ rje ba gaṅ yin ba’i sñiṅ rje de’i phyir ro || de’i bdag ces bya ba ni sñiṅ rje’i bdag ñid do || ci źig gi rgyan du byed ce na || theg mchog bstan pa’i rnam pa chos kyi ste | chos kyi rnam graṅs gaṅ la theg pa mchog bstan pa’i rnam pa yod pa’i chos de’i ’o || gaṅ gi ched du (6) brgyan par byad ce na | des ’gro ba’i sems can la’o || la źes bya ba ’di ni ched yin te | theg pa chen pos ’gro ba’i sems can gyi ched du źes bya ba’i tha tshig go || rgyan rnam pa du źig gis brgyan par byed ce na | rnam pa lṅa ste | ’byor ba’i don tshul bla med gyur ba rnam pa lṅa’i (7) bdag ñid ston par byed do || ’byor ba źes bya ba ni rigs pa’o || bla med gyur ba źes bya ba ni theg pa bla na med par gtogs pa’o || da ni don gyi tshul lṅa’i bdag ñid de tshigs su bcad pa gñis pas ston par byed de ||