de la gnas chen po ni sems pa skyed pa la gnas pa’i phyir ro || rtsom pa chen po ni raṅ daṅ gźan gyi don rtsom pa’i phyir ro || ’bras bu ’byuṅ ba chen po ni ’bras bu byaṅ chub (4) chen po ’thob pa yin pa’i phyir ro || de ñid kyi phyir go rims bźin du len pa che ba ste | sems can thams cad ñe bar len pa’i phyir ro || bzod pa che ba ste | sdug bsṅal thams cad daṅ du len pa’i phyir ro || don chen yaṅ dag sgrub pa’i bya ba byed pa ste | sems can maṅ po’i don (5) yaṅ dag par sgrub pa’i phyir ro || raṅ daṅ gźan gyi don khyad par med par tshigs su bcad pa |