’dis ni ji skad bśad pa’i mchod pa daṅ bstan pa daṅ tshad med pa rnams kyi go rims daṅ yon tan mdor bsdus nas ston te | rdzas daṅ bkur sti chen pos śin tu rtag tu mchod pa ni rdzas daṅ bkur sti chen pos (7) śin tu rgyun du mchod pa daṅ ldan pa ste || bkur sti ni yaṅ dag pa’i sgrub pa yin par rig par bya’o || de ltar na rñed pa daṅ bkur sti daṅ sgrub pa’i mchod pa daṅ ldan pa yin no || yon tan maṅ po daṅ ldan pa ni de las gźan pa dag daṅ ṅo || phan par byed pa ni rjes su brtse bar byed pa ñid (220b1) kyis rig par bya’o || grub pa kun thob par ’gyur ro źes bya ba ni raṅ daṅ gźan gyi don grub pa ’thob par ’gyur ba’o ||