rab ’byor de de bzhin no de de bzhin te | gang dag shes rab kyi pha rol tu phyin pa ’di mi ’dzin par sems pa dang mi ’chang ba dang | mi (7) klog pa dang kun chub par mi byed pa dang rab tu ’don par mi byed pa dang mi ston pa dang nye bar mi ston pa dang lung ’bogs par mi byed pa dang kha ton du mi byed pa dang yi ger mi ’dri ba dang chung ngu na yi gar ’drir mi ’jug par yang sems pa’i byang chub sems dpa’ de dag ni | rab ’byor bdud kyis (138b1) byin gyis brlabs par rig par bya ste rab ’byor byang chub sems dpa’ de dag theg pa la gsar du zhugs pa yin no de dag ni blo chung ba rnams yin no de dag ni blo dman pa rnams yin no de dag ni blo zhan pa rnams yin no ||