de nas mar me mdzad de (6) bzhin gshegs pa dgra bcom pa yang dag par rdzogs pa’i sangs rgyas kyis nga la bram ze’i khye’u khyod ma ’ongs pa’i dus na shākya thub pa zhes bya ba de bzhin gshegs pa dgra bcom pa yang dag par rdzogs pa’i sangs rgyas rig pa dang rkang par ldan pa bde bar gshegs pa ’jig rten mkhyen (7) pa skyes bu gdul bya’i kha lo sgyur ba ba na med pa lha dang mi rnams kyi ston pa sangs rgyas bcom ldan ’das su ’gyur ro zhes bla na med pa yang dag par rdzogs pa’i byang chub tu lung bstan te | de’i tshe sring mo ’dis nga lung bstan pa thos nas kye ma ma la bram ze’i khye’u ’di ci ltar (202a1) bla na med pa yang dag par rdzogs pa’i byang chub tu lung bstan pa de bzhin du bdag kyang bla na med pa yang dag par rdzogs pa’i byang chub tu lung bstan na ci ma rung snyam du sems skyes so ||