bcom ldan ’das kyis bka’ stsal pa | rab ’byor de ltar spyod pa’i byang chub sems dpa’ sems dpa’ chen po la dbang po dang bcas pa’i lha rnams dang tshangs pa dang bcas pa dang skye dgu’i bdag po dang (7) bcas pa dang dbang ldan dang bcas pa dang drang srong dang bcas pa dang skyes pa dang bud med kyi tshogs rnams ’ba’ zhig rgyang ma nas thal mo sbyar te phyag ’tshal bar ’gyur bar ma zad kyi | rab ’byor tshangs ris kyi lha rnams dang tshangs pa mdun na ’don dang | tshangs pa kun ’khor dang (242a1) tshangs pa chen po dang | ’od chung dang tshad med ’od dang ’od gsal dang | dge chung dang tshad med dge dang dge rgyas dang | sprin med dang bsod nams ’phal dang ’bras bu che ba dang | ’du shes med pa’i sems can rnams dang | mi che ba dang mi gdung ba dang gya nom (2) snang dang shin tu mthong dang ’og min gyi lha gang dag yod pa de dag kyang rab ’byor byang chub sems dpa’ sems dpa’ chen po shes rab kyi pha rol tu phyin pa nyid la spyod pa la phyag ’tshal bar ’gyur ro ||