gzhan yang gang las bdag dang sems can dang | ’tsho ba dang| (7) gang zag las bstsogs pa bshad pa de ni drang ba’i don ces bya’o || gang las stong pa dang mtshan ma myed pa dang | smon pa myed pa dang | ma skyes pa dang| sgra myed pa dang| ma byung ba dang sems can myed pa dang | gang zag myed pa dang | dus gsum las rnam par thar pa’i sgo¹ de (ga a 1) ni nges pa’i don ces bya’o | :: ²

gzhan yang mdo sde gang dag bdag dang | sems can dang | srog dang | skyes bu dang | (173a1)gang zag dang | shed bu dang | shed las skyed dang | byed pa po dang | tshor ba po’i sgra sna tshogs bdag po med pa || bdag po yod pa bzhin du bstan pa de dag ni drang ba’i don to || mdo sde gang dag stong pa nyid dang | mtshan ma med pa dang | smon pa med pa dang | (2) mi ’byung ba dang | ma skyes pa dang | yang dag par mi ’byung ba dang | sems can med pa dang || gang zag med pa dang | dus gsum las rnam par thar pa’i sgo bstan pa de dag ni nges pa’i don ces bya’o ||