rigs kyi bu sems can thams cad kyi don gyi phyir bskal pa bye ba khrag khrig brgya stong dpag tu med pa yid yongs su mi skyo bar byang chub sems dpa’ dam pa’i chos kyi gru chen po ’di ’dra ba de sbyar bar bya’o || dam pa’i chos kyi gru ’dis bu bo bzhis khyer ba’i sems can thams cad bsgral bar bya’o || kun tu snang ba de la ’dir byang chub sems dpa’i mngon par shes pa myur ba gang zhe na || gang ’di sems can thams cad la bcos ma ma yin pa’i sbyor ba ste bsam pa dag pas rab tu ’dun pa dang | dge ba’i rtsa ba thams cad yang dag par bsgrub pa’i phyir brtson ’grus ’bar ba dang | tshul bzhin yid la byed pas dge ba la bdun pa dang shes rab yongs su rdzogs par bya ba’i phyir thos pas mi ngoms pa dang | ye shes brtan par bya ba’i phyir nga rgyal med pa dang yon tan thams cad yongs su rdzogs par bya ba’i phyir rab tu ’byung ba la gzhol ba dang | lus dang sems dpen par dgon pa na gnas pa dang |