sha stag la ’di lta ste: 1) byang chub sems dpa’ glog gi lha zhes bya ba dang, 2) byang chub sems dpa’ g.yul las rnam par rgya ba dang, 3) byang chub sems dpa’ rnam par snang ba’i snying po dang, 4) byang chub sems dpa’ rtsal gyis dpa’ ba dang, 5) byang chub sems dpa’ yid gnyis shin tu ’joms pa dang, 6) byang chub sems dpa’ sgra rnam par bsgrags pa dang, 7) byang chub sems dpa’ rnam par lta ba’i mig dang, 8) byang chub sems dpa’ mun pa dang bral ba dang, 9) byang chub sems dpa’ ’jam dpal la sogs pa byang chub sems dpa’ sems dpa’ chen po grangs med, dpag tu med, bskyad du med, bsam gyis mi khyab, mtshungs pa med, dpe med, gzhal du med, tshad med, brjod du med pa’i yang brjod du med pa dag dang thabs cig go;

The list of bodhisattvas is relatively short. Some names are found in other texts: Vidyuddeva in PraS § 15D and Vkn p. 101, no. 33, Yuddhajaya is mentioned in To no. 4322, Vairocanagarbha in Gv p. 28 and Mmk p. 635, Parākramavikrama in Gv p. 34722, Vimatisamudghātin in Sdhmp p. 194, Vighuṣṭashabda in Gv p. 3879 and Mvy 6841. Vyavalokanacakṣus is not identified, while Vigatatamas is the name of a Buddha in Bhadra no. 111, Maitreya and Manyjushrī passim. The meanings of the names are explained in ṭ. fol. 10b6-11b1: byang chub sems dpa’ glog gi lha zhes bya ba la, glog ni ’gyur zhing mi rtog pa’i don, lha zhes bya ba ni rol pa’am spyod pa’i don te, mi rtog pa’i chos la rol pa’am spyod ces bya ba’i tha tshig go; byang chub sems dpa’ g.yul las rnam par rgyal zhes bya ba ni nyon mongs pa’i dgra’i g.yul las rgyal ba’o; byang chub sems dpa’ rnam par snang ba’i snying po zhes bya ba ni ’od ’phro rnam pa sna tshogs dang ldan pa zhes bya ba’i don to, snying po de lta bu ’byung ba’i gnas la bya’o, yang na sems can gyi don du sems can dang sems can ma yin pa’i dngos po sna tshogs su snang ba la bya ste, de nyid gtso bor gyur pa la snying po zhes bya’o; byang chub sems dpa’ rtsal gyis dpa’ ba zhes bya ba ni sa gong ma thob pa’i rnams thob cing gnon pa’i rtsal dang ldan pa’o; byang chub sems dpa’ yid gnyis shin tu ’joms pa zhes bya ba ni bden pa dang dkon mchog la sogs pa la yid gnyis su gyur pa ’joms pa’o; byang chub sems dpa’ sgra rnam par bsgrags zhes bya ba ni chos kyi seng ge’i sgra rnam pa sna tshogs sgrogs pa’o; byang chub sems dpa’ rnam par lta ba’i mig ces bya ba ni shes rab kyi spyan gyis sems can gyi don rnam pa sna tshogs la rab tu lta ba’o; byang chub sems dpa’ mun pa dang bral ba zhes bya ba ni mi shes pa’i mun pa thams cad spangs pa’o; byams pa zhes bya ba ni dus thams cad du byams pa’i ting nge ’dzin la snyoms par zhugs pa’i phyir ro; ’jam dpal zhes bya ba ni de bzhin gshegs pa rin po che’i snying po’i spyan sngar ’khor los sgyur ba’i rgyal po rtsibs kyi mu khyud kyi sras dbang po’i tshigs zhes bya bar gyur pa’i tshe byang chub sems bskyed pa na bcom ldan ’das des: rigs kyi bu khyod ni shin tu yon tan dang ye shes dang ldan pas na gang gi phyir sems can thams cad kyi don gyi phyir de ltar rab dang mchog gi blo gros bkra shis pa byas shing sangs rgyas kyi zhing gi yon tan bkod pa rab mchog bzung bas, rigs kyi bu, khyod ’jam dpal zhes bya’o zhes gsungs pa lta bu’o. sogs pa zhes bya ba ni grangs dpag tu med pa’i byang chub sems dpa’ rnams las ’dir gtso bor gyur pa rnams yon tan dang rjes su mthun pa’i cung zad cig smos su zad kyi, gzhan rnams sogs pa’i nang du ’dus te, ’khor ’di lta bu dang bcom ldan ’das thabs cig tu bzhugs so zhes bya bar sbyar ro. ’dir ’phags pa nyan thos kyi ’khor sngar smos la, byang chub sems dpa’ phyis smos pa yang, ’phags pa nyan thos rnams don nyung zhing bya ba nyung la de bzhin gshegs pa’i rag la brten pas rtag tu zhabs ’bring na nges par ’khod pa’i phyir sngar smos so; byang chub sems dpa’ rnams ni gzhan la rag la mi brten par ’jig rten gyi khams sna tshogs su sems can sna tshogs kyi don la de bzhin gshegs te, ma nges pas phyis smos so.