de la byang chub sems dpa’ rnams kyi rdzu ’phrul bya ba shes pa mngon par shes pa gang zhe na?

mnyam pa nyid mngon sum pa bstan pa’i phyir de la byang chub sems dpa’ rnams kyi rdzu ’phrul bya ba shes pa zhes bya ba la sogs pa gsungs te, de mi zad pa yang rdzu ’phrul mngon par shes pa de yid ches shing smin par bya ba’i sems can mi zad pas na smin par byed pa’i sems can de yang mi zad pa’o. de yang rnam pa drug tu rig par bya ste, 1) rgyu rnam par dag pas byung ba dang, 2) rnam pa sna tshogs su ston pa dang, 3) dbang du bya ba dang, 4) thams cad gzugs su ’dzud pa dang, 5) gzhan du bya ba dang, 6) gzhan gyi rdzu ’phrul zil gyis gnon pa’o – "To teach what the [bodhisattva] facing universal sameness (samatābhimukha) is, it is said .... This also is imperishable (akṣaya); since the beings to be enlightened and matured (saṃpratyāyanaparipācitavya) by the supernormal knowledge of magic (ṛddhyabhijnyā) are imperishable (akṣaya), the beings to mature them (paripākva) must also be imperishable (akṣaya). This should be known through six forms: ..."
de la 1) gang ’dun pa dang brtson ’grus zhes bya ba nas brtsams te, cho ’phrul rnam pa du ma myong ba zhes bya ba yan chad kyis rgyu rnam par dag pa las byung ba bstan to, 2) de’i rdzu phrul gyi cho ’phrul de dag ni zhes bya ba nas brtsams te, gzugs dang kha dog tu snang ba de dang de nyid ston te, mos pa ji lta ba bzhin du sems can rnams la chos ston to zhes bya ba yan chad kyis rnam pa sna tshogs su ston pa bstan to, 3) de’i stobs gang dang gang gis zhes bya ba nas brtsams te, dregs pa ’dul ba’i phyir chos ston to zhes bya ba yan chad kyis dbang du bya ba bstan to, 4) de rdzu ’phrul gyi rkang pa de dag gis zhes bya ba nas brtsams te, rgya mtsho chen po nyid du ’dug go zhes bya ba yan chad kyis thams cad gzugs su ’dzud pa bstan to, 5) gal te sreg pa’i bskal pa zhes bya ba nas brtsams te, gang dang gang byin gyi rlabs kyis byin gyis brlabs pa de dag gi de kho na bzhin du ’dug go zhes bya ba yan chad kyis gzhan du bya ba bstan to, 6) de’i byin gyi rlabs de ni sangs rgyas bcom ldan ’das zhes bya ba nas brtsams te, bdud kyi ris kyi lha rnams kyis mi ’phrogs pa ste, zhes bya ba yan chad kyis gzhan gyi rdzu ’phrul zil gyis gnon pa bstan to.