don ’thun pa ni byang chub kyi ’bras bu mngon par ’grub pa ste.

sa dang sbyar ba’i rnam grangs gzhan sbyar bar bzhed nas gzhan yang chos sbyin pa ni byang chub kyi rtsa ba dang sa bon gyi gzhi zhes bya ba gsungs te:
(adhimukticaryābhūmi – 1. bhūmi): byang chub kyi rtsa ba dang sa bon ni sa dang por chos kyi dbyings thams cad du ’gro ba’i mtshan nyid rtogs nas byang chub tu sems bskyed pa’o, byang chub kyi sems de’i gzhi ni mos pas spyod pa’i sar chos spyod pa bcu la zhugs pa ste, de ni chos sbyin pa’o. yang na, byang chub kyi rtsa ba dang sa bon gyi gzhi ni sa dang po’i byang chub tu sems bskyed pa nyid do, sems bskyed pas sa bon du gyur pa de zag pa med pa’i chos thams cad skye ba’i gzhir gyur pa’i phyir ro.
(2-7. bhūmi): snyan par smra ba ni byang chub kyi myu gu dang ’dab ma yongs su rdzogs pa’o zhes bya ba la sa gnyis nas sa bdun gyi bar du mngon par ’du byed pa dang bcas par ’jug pa shes rab kyi rgyu bas pha rol tu phyin pa’i chos rnams myu gu dang ’dab mar gyur pa yongs su rdzogs par byed de, lhag par sems kyi rgyud ’jam pas snyan par smra ba’o.
(8-10. bhūmi): don spyod pa ni byang chub kyi me tog yongs su rgyas pa’o zhes bya ba las brgyad pa dang dgu pa dang bcu pa na mngon par ’du byed pa med pa’i shes rab kyi rgyu bas sgom mi dgos par sangs rgyas kyi chos rnams me tog lta bur kha ’bus nas yongs su rdzogs par byed de, ’bras bu nye ba’i chos la spyod pas na spyod pa zhes bya’o.
(buddhabhūmi): don mthun pa ni byang chub kyi ’bras bu mngon par ’grub pa zhes bya ba la, rgyu mthun pa’i ’bras bu yon tan thams cad yongs su rdzogs pa sangs rgyas pa’i mtshan nyid kyi ’bras bu grub pa ni don mthun pa zhes bya’o.