Nunc iacet effeto lumine mentis.
Táz uuíssa er ál . nû íst er uuízzelôs . nû íst er âno-uuórten des mûotes túgende.
Et pressus colla grauibus catenis.
Únde úmbe den háls kechétennotêr . táz chît mít úndrôste beháftêr.
Et gerens decliuem vultum pondere.
Únde mít téro búrdi níder-genéigtêr.
Cogitur heu cernere stolidam terram.
Síhet er úndánches ze érdo . ténchet er lêuues án dia tóubûn érda . tíu ménniskan tóube máchôt.