Quȩ quidem sola considerans epicurus . consequenter sibi constituit summum bonum . uoluptatem esse. Epicurus tér éinêr uuás tero philosophorum . únde dér mít ín gîeng sûochendo summum bonum . tér gót neuuíssa . nóh spiritalia bona . échert án dísíu quinque dénchendo . uuólta er geslágo uoluptatem háben ze summo bono. Eo quod cȩtera omnia uideantur afferre iocunditatem animo. Fóne díu geslágo . uuánda éníu fîeríu . sô ímo dûohta . uuúnna tûont temo mûote . álso uoluptas corpori tûot. Pedíu uuânda er . dáz éníu fîeríu . mít tírro éinûn begríffen uuúrtîn . únde er an íro éinûn hábeti fúnden . dáz er sûohta. Epicuros grece chît latine super porcos. Tén námen gâben ímo die ándere philosophi . uuánda ér uoluptati fólgendo . mít sînên sectatoribus porcis . kelîcho lébeta.