Sed tu quamuis ignores causam tantę dispositionis . tamen recte fieri cuncta ne dubites . quoniam bonus mundum rector temperat. Áber dóh tû neuuízîst . uuáz tíu méinunga sî . sô máhtîgero réchenúngo . uuánda áber gûot ríhtare íst . tér dia uuérlt métemêt . sô nezuîuelo dés . núbe iz álles uuérde réhto geréisôt . uuánda dés íst nôt . ut rectus recte agat. Tíu zuéi sínt keuuétíu. Pedíu héizet táz argumentum a coniugatis.