7. QUOD EX RATIONE IUDICIUM . EX LIBERTATE SIT ELECTIO.
Nam quod naturaliter potest uti ratione . id habet iudicium. Témo uuízze únde sín gelâzen sínt . témo íst óuh kelâzen chîesunga. Quo discernat quidque. Mít téro er díngolîh skéide . uuéder iz ze tûonne sî . álde nesî. An dîen zuéin íst er úmbeduúngen. Tíu úmbe-duúngeni . héizet libertas. Ratio lêret ín . uuáz er tûon sól . libertas lâzet ín tûon . so-uuéder er uuíle. Per se igitur dinoscit fugienda . uel optanda. Fóne ímo sélbemo uuéiz er . uuáz er skíhen . álde mínnôn sól. Táz lêret ín ratio.