(fra Simon de Freine ca. 1189-1200) fra Jean de Meun ca. 1300« Sire clerc de haut parage,
Mut vus tenc curteis e sage,
Nepurquant ceo m’est avis,
Vers Fortune avez mespris.
Dit avez en vostre cunte
Ke ceus ke Fortune amunte
De haut fet en bas chaïr ;
Sis amunte pur traïr,
Vus redites ensement
Ke Fortune triche e ment,
E ke bien ad pris en mein
D’hunir chescun al derein.
Certes, s’il vus plest veir dire,
Nus hom ne puet ceo desdire,
K’ele ne face leaument ;
Kar en ceo ke tut tens ment
Sa costume garde et tient ;
Dunc par dreit granter covient
Ke Fortune seit estable
En iceo k’ele est muable.
Quant Fortune est costumére
De doner e prendre arére,
Ne fet pas novelerie ;
A vos sul ne fet ceo mie.
Kant fet sulun sun usage
E a tuz fet tel utrage,
En ceo porte bone fei,
Ke leauté n’ad nule en sei.
Quant fet sulun sa nature,
N’est pas sesun ne mesure
De mesdire ne de pleindre ;
Mès ki voet en joie meindre,
Mettre deit en nunchaleir
Chescun terrïen aveir.
En plaignant li metez sure
K’el se change en chescune hure.
A ceo vus di : Vus dites veir ;
Ele ad tut tens un voleir,
E ceo est de sei variër,
Pur les fous entariër.
« Se je ai cogneu du tout les causez et la maniere de ta maladie tu te defaus par l’entalentement et par le desirier de ta premiere fortune.