yaṅ dge sloṅ gaṅ ’di skad ces | ’di ltar bcom ldan ’das kyis bar du gcod pa’i chos su gsuṅs pa gaṅ dag gis yin pa de (4) dag bsten kyaṅ bar du gcod par mi ’gyur te | de ltar bcom ldan ’das kyis chos bstan pa bdag gis śes so źes zer na | dge sloṅ de la dge sloṅ rnams kyis ’di skad ces | tshe daṅ ldan pa khyod ’di ltar bcom ldan ’das kyis bar du gcod pa’i chos su gsuṅs pa gaṅ (5) dag yin pa de dag bsten kyaṅ bar du gcod par mi ’gyur te | de ltar bcom ldan ’das kyis chos bstan pa bdag gis śes so źes de skad ces ma zer cig | bcom ldan ’das la skur pa ma ’debs śig | bcom ldan ’das la skur pas legs par mi ’gyur ro || bcom (6) ldan ’das ni de skad mi gsuṅ ṅo || tshe daṅ ldan pa bar du gcod pa’i chos rnams ni bar du gcod pa ñid do źes bcom ldan ’das kyis rnam graṅs du mar gsuṅs te | de dag bsten na rab du gcod par ’gyur gyis | tshe daṅ ldan pa khyod sdig pa can gyi lta ba’i rnam pa ’di lta bu thoṅ (7) śig ces bsgo bar bya’o || dge sloṅ de la dge sloṅ rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo par bya | yaṅ dag par bstan par bya’o || lan gñis (14b1) lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na ltuṅ byed do ||