dge tshul źig kyaṅ ’di skad ces | ji ltar bcom ldan ’das kyis ’dod pa dag ni bar du gcod pa’o źes gsuṅs pa (3) gaṅ dag yin pa de dag bsten kyaṅ bar du gcod par mi ’gyur te | de ltar bcom ldan ’das kyis chos bstan pa bdag gis śes so źes zer na | dge tshul de la dge sloṅ rnams kyis ’di skad ces | dge tshul khyod ji ltar bcom ldan ’das kyis ’dod pa dag ni bar du gcod pa’o (4) źes gsuṅs pa gaṅ yin pa de dag bsten kyaṅ bar du gcod par mi ’gyur te | de ltar bcom ldan ’das kyis chos bstan pa bdag gis śes so źes de skad ma zer cig | bcom ldan ’das la skur pa ma ’debs śig | bcom ldan ’das la skur pas legs par mi ’gyur ro || (5) bcom ldan ’das ni de skad mi gsuṅ ṅo || tshe daṅ ldan pa dge tshul ’dod pa bar du gcod pa rnams ni bar du gcod pa ñid do źes bcom ldan ’das kyis rnam graṅs du mar gsuṅs te | de dag bsten na bar du gcod par ’gyur gyis | dge chul khyod sdig pa can gyi lta ba’i rnam (6) pa ’di lta bu ’di thoṅ śig ces bsgo bar bya’o || dge tshul de la dge sloṅ rnams kyis de skad bsgo ba na gal te gźi de gtoṅ na de lta na legs | gal te mi gtoṅ na gźi de gtaṅ bar bya ba’i phyir lan gñis lan gsum du yaṅ dag par bsgo bar bya | yaṅ dag par bstan par (7) bya’o || lan gñis lan gsum du yaṅ dag par bsgo | yaṅ dag par bstan pa na gźi de gtoṅ na de lta na legs | gal te mi gtoṅ na dge tshul de la dge sloṅ rnams kyi deṅ phyin chad dge tshul khyod bcom ldan ’das de bźin gśegs pa dgra bcom pa yaṅ dag par rdzogs(15a1) pa’i saṅs rgyas de la ston pa’o źes ma zer cig | tshaṅs pa mtshuṅs par spyad pa mkhas pa bla ma’i gnas lta bu gaṅ yaṅ ruṅ ba’i phyi bźin du yaṅ ma ’gro źig | dge sloṅ rnams daṅ dge tshul lhan cig nub gñis tshun chad gnas gcig tu ñal du dbaṅ ba gaṅ yin (2) pa de yaṅ deṅ phyin chad khyod la med de | mi gti mug can khyod bsñil gyis gźan du soṅ śig ces bsgo bar bya’o || yaṅ dge sloṅ gaṅ śes bźin du de ltar bsñil ba’i dge tshul ñe bar ’jog par byed dam | ñe bar sten par byed dam | de daṅ lhan cig gnas gcig tu ñal na (3) ltuṅ byed do ||