de nas khye’u rin chen byin gyis raṅ gi ma ma la tshigs su bcad de smras pa |
ma ma gaṅ gi mthu stobs kyis || śin tu ya mtshan byuṅ ba snaṅ ||
ñi ma bye ba rnams kyi ’od || zil gnon snaṅ ’di su źig yin |1|
stoṅ gsum sa gźi khyab gyur nas || ṅan ’gro skems par byed pa yi ||
rdzu ’phrul snaṅ ba gaṅ yin ’di || ma ma bdag la myur du smros |2|
dus min me tog char ba yis || saṅs rgyas źin mtshams med par mdzes ||
phyogs rnams bya yi tshogs rnams kyis || skad sñan pas ni khyab par gyur |3|
sraṅ yaṅ me tog rnams kyis khebs || me tog gdugs kyaṅ rnam par bres ||
skyes pa bud med dga’ rnams kyis || kun nas rab tu mdzes par ’dug |4|
loṅ ba rnams kyis mig kyaṅ thob || skye bo ’on rnams sgra yaṅ thos ||
byad ṅan byad gzugs phun sum tshogs || mdog ṅan kha dog phun sum tshogs |5|
g-yeṅs pa rnams kyaṅ dran pa rñed || lce med tshig ni rnam par dag ||
sems can byams pa’i sems med pa || byams pa’i sems daṅ ldan par gyur |6|
ma ma sems can khyad par can || rdzu ’phrul grub pa mthu ldan pa ||
’jig rten dag na rgyu ba ’di || su yin bdag la kun myur smros |7|