de nas de rnams kyis blon po rnams kyis skyed mos tshal de byi dor byed brgyad (271a1) riṅ po nas mthoṅ nas gźon nu rgod bag can de rnams skyed mos tshal gyi phyogs su doṅ ṅo | blon po rnams skyed mos tshal byi dor byas nas sgor byuṅ ba daṅ | gźon nu rnams kyis dris pa | ’di su’i skyed mos tshal | de rnams kyis smras pa | lha’i lags (2) so | de rnams slar log par brtsams pa daṅ | blon po rnams kyis smras pa | gźon nu rnams naṅ du źugs śig | ci’i phyir slar ldog | de rnams kyis smras pa | lha’i skyed mos tshal yin na ’dir ’jug tu ga la ruṅ | blon po rnams kyis smras pa | lha’am gźon nu (3) rnams rol pa ’di ’gal ba ci mchis de rnams naṅ du źugs te rtse bar brtsams so | blon po rnams kyis rgyal po la smras pa | lha skyed mos tshal legs par byi dor bgyis lags kyis | lha gzigs pa’i dus la bab lags so | rgyal po chas pa daṅ skyed mos chal na ku co’i sgra (4) thos so | thos nas kyaṅ blon po rnams la smras pa | śes ldan dag skyed mos tshal na ku co’i sgra grag na ’di na su źig ’dug | blon po rnams kyis smras pa | lha gźon nu rnams so | gal te de lha na ṅas gźon nu rnams spaṅs so | blon po rnams kyis rkaṅ pa gñis (5) la gtugs te smras pa | lha bzod par mdzad ciṅ gźon nu rnams mi spaṅ bar gsol | rgyal pos smras pa | de bźin du bya’o źes gźon nu de rnams spyuṅ par chas pa daṅ | rgyal po’i rkaṅ pa gñis la gtugs nas smras pa | lha gal te de lta na bdag cag ’khor (6) gyi skye bo maṅ po daṅ ldan cig mchi na de ci nas kyaṅ mi dgag pa de ltar bka’ stsal pa’i rigs so | rgyal pos bsgo nas de rnams chas pa na | de rnams la dga’ ba’i pho braṅs ’khor gyi mi skye bo’i tshogs chen po daṅ de rnams lhan cig chas te źag bdun groṅ khyer gru ’dzin gyi sgo (7) phye nas skye bo’i tshogs rgyus so | blon po rnams kyis rgyal po la smras pa | lha gal te groṅ khyer gyi sgo ma bkum na riṅ po mi thogs par gru ’dzin stoṅs par ’gyur ro | gal te de ltan sgo chod cig |

.