de nas byaṅ chub sems dpa’ ñid kyis yi ge bris te srin bu go cha la byin nas gsuṅs pa | yi ge ’di’i miṅ ci yin smros śig | des smras pa | ma ’tshal to | byaṅ chub sems dpas gsuṅs (5) pa | ’jig rten du gñis śig byuṅ na yi ge ’di mgon par ’gyur te | byaṅ chub sems dpa’ ’am ’khor los sgyur ba’o | nam mkha’i ṅos la gnas pa’i tshaṅs pas smras pa | srin bu go cha byaṅ chub sems dpas ji skad gsuṅs pa de de bźin te | yi ge (6) ’di śes pa ni ’ajita rten du gñis śig byuṅ na mṅon par ’gyur te | byaṅ chub sems dpa’ ’am ’khor los sgyur pa’i rgyal po’o | byaṅ chub sems dpas yi ge de tshaṅs pa’i dbyaṅs kyis bklags pa la nam mkha’i ṅos la gnas pa’i tshaṅs pas dbaṅ byas (7) pas tshaṅs pa’i yi ge tshaṅs pa’i yi ge źes bya bar gyur to | gaṅ gi tshe byaṅ chub sems dpa’ yi ge’i mthar phyin pa de’i tshe byaṅ chub sems dpa’i źaṅ po bzaṅ len źes bya ba des glaṅ po che’i gña’ bar źon pa bslabs nas ’phoṅ gi slob dpon lhar bcas źes bya ba des ’khor (288a1) lṅa brgya daṅ spyod pa slob pa la źugs pa na bzaṅ len gyis lhar bcas la smras pa | byaṅ chub sems dpa’ daṅ de bźin du gźon nu gźan dag ni sñiṅ rje can yin pas bslab par bya ba thams cad slobs śig | lhas byin ’di ni gdug pa’i las byed (2) pa yin gyis ’jig rten thams cad la gnod par gyur na mi ruṅ gis ’di la gnad du snun pa ma bstan cig | gaṅ gi tshe byaṅ chub sems dpa’ bas+l+ba pa thams cad la legs par bslabs pas gnas lṅa po ’di lta ste | rgyaṅ nas phog pa daṅ | sgra grag par phog (3) ba daṅ | gnad du phog pa daṅ | mi ’chor bar phog pa daṅ | tsha bas che bdag la yaṅ byaṅ bar gyur pa de’i tshe phyogs kun du sgra grags pa śākya rnams kyi naṅ du byuṅ ba’i gźon nu źes bya ba nas ’jig rten du sgra rnam par grags par ’gyur ro źes bya ba’i bar goṅ ma (4) bźin du’o | de’i tshe yaṅs ba can gyi li ts+tsha bī rnams kyis glaṅ po che mtshan daṅ ldan pa źig rñeṅ nas de rnams kyis bsams pa | rgyal po zas gtsaṅ gi sras mtshan mkhan rnams kyis ’khor los sgyur ba’i rgyal por ’gyur ro źes luṅ bstan pa de’i mthus glaṅ po (5) rin po che ’di byuṅ gis doṅ la de kho na la dbul lo sñam nas | de rnams kyis glaṅ po rin po che de rgyan thams cad kyis brgyan nas khrid de doṅ ba las rim gyis ser skya’i gźir phyin nas rgyal po’i pho braṅ gi sgor glaṅ po che dam pa bźag nas sdod pa daṅ | ma stes te gdug (6) pa’i las can lhas byin phyir byuṅ ba ṅes glaṅ po che dam pa de de ltar rgyan gyis brgyan pa mthoṅ nas de des phrag dog chen po skyes te | de phrag dog daṅ mi bzod pa skyes pas dris pa | glaṅ po dam pa ’di su’i yin | de rnams kyis smras pa | gźon nu śākya thub pa (7) mtshan mkhan rnams kyis ’khor los sgyur ba’i rgyal por luṅ bstan pa de la yaṅs pa can gyi tshogs rnams kyis glaṅ po rin po che ’di skyes su phul lo | lhas byin lhag par mi bzod pa skyes nas smras pa | re źig de ’khor los sgyur bar ma gyur par je khyed (288b1) cag de la glaṅ po rin po che ’bul lam źes smras nas thal lcag gis glaṅ po che bsad do | ji tsam na phyogs der dga’ bo ’ogs pa des de mthoṅ nas dris pa | śes ldan dag glaṅ po che bzaṅ po ’di sus bsad | de rnams kyis smras pa | lhas byin gyis so | (2) des bsams pa | gdon mi za ba ra ’di la lhas byin gyi mthu sad kyis ma la bdag gis kyaṅ ’di la mthu sad par bya’o sñam nas mjug ma nas bzuṅ ste dri mi źim par mi ’gyur bar bya bar mtha’ gcig tu bor ro | ji tsam na byaṅ chub sems dpa’ śākya thub pa phyir byuṅ ba (3) des de gzigs nas dris pa | glaṅ po che ’di gaṅ nas ’oṅs | de rnams kyis ji ltar gyur pa smras so | sus bsad | lhas byin gyis so | mgron rnams la mgron chod pa bya ba yin na ma legs pa źig byas so | phyogs gaṅ du bsad | ’o nir (4) ro | ’di sus ’dir khyer te ’oṅs | dga’ bos so | des dgoṅs pa | gdon mi za bar de gñis kyis ’di la mthu sad kyis | mal ṅas kyaṅ ’di la mthu sad par bya’o sñam du dgoṅs nas | mjug ma nas bzuṅ ste ra ba’i khar ’phaṅs pa las rab rim pa (5) bdun daṅ | ’obs rim pa bdun las bzlas te bor ro | de ltuṅ bas gśoṅ btod pa glaṅ po che’i gśoṅ źes bya bar gyur to | der bram ze daṅ khyim bdag dad pa can rnams kyis mchod rten brtsigs pas deṅ saṅ du yaṅ dge sloṅ mchod (6) rten la phyag byed bdag phyag byed do | ’dir smras pa | lhas byin gyis ni glaṅ chen dbaṅ po bsad | dga’ bos de ni gom pa bdun du khyer | byaṅ chub sems dpas phyag gis bar snaṅ la | rdo ba bźin du phyi rol rgyaṅ riṅs ’phaṅs | gźon nu (7) rnams kyis smras pa | gcod pa byed du ’doṅ ṅo źes de rnams phyir byuṅ ba byaṅ chub sems dpa’ śākya thub pas kyaṅ gsan nas ’khor lṅa brgya daṅ gcod pa byed du phyir byuṅ ṅo | gźon nu rnams ’bras rṅa ba bźin du gcod bar byed de | de rnams kyis śiṅ bcad ciṅ (289a1) bcad pa rnams ’gyel to | byaṅ chub sems dpa’ ni bre’i kha gcod pa bźin du gcod par mdzad do | des śiṅ bcad ciṅ bcad pa rnams ma ’gyes te | de bźin du ’dug pa daṅ | gźon nu rnams kyis smras pa | śes ldan dag byaṅ (2) chub sems dpa’ śākya thub pa stobs daṅ ldan źiṅ gnas lṅa la byaṅ ṅo źes thos na ’di gcod par byed pa yaṅ mi śes pa las na | da’i bdag cag bas stobs daṅ ldan pa ni ma yin te | ’di ltar bdag cag gis śiṅ gaṅ dag bcad pa de thams cad ni ’gyel la | ’dis (3) gaṅ dag bcad pa de dag ni de bźin du ’dug go ||

.