dge sloṅ rnams the tsom skyes te the tshoms thams cad gcod (4) pa | saṅs rgyas bcom ldan ’das la źus pa | btsun pa tshe daṅ ldan pa gro bźin skyes bye ba ñi śu pas las ci źig bgyis na las de’i rnam par smin pas phyug ciṅ nor maṅ ba loṅs spyod che ba’i rigs su skyes śiṅ rkaṅ pa’i mthil gñis su spu gser gyi kha dog ’dra ba (5) skyes pa daṅ | gdugs re re źig lṅa brgya’o ston mo snod nas sgrol źiṅ spyod ba daṅ | ’di nas bzuṅ ste bskal pa dgu bcu rtsa gcig gi bar du lan ’ga’ yaṅ gdiṅ ba ma mchis pa’i sa phyogs su rkaṅ pa ma bźag pa daṅ | btsas ma thag tu dkan dbab pa’i rin gser bye ba (6) phrag ñi śu thob ciṅ bcom ldan ’das kyi bstan pa la rab tu byuṅ nas kyaṅ ñon moṅs pa thams cad spaṅs te dgra bcom pa mṅon sum du bgyis lags | bcom ldan ’das kyis bka’ stsal pa | dge sloṅ dag gro bźin skyes bye ba ñi śu pa ’di ñid kyis las tshogs rñed (7) pa rkyen yoṅs su bsgyur ba | ’od pa bźin du ñe bar gnas pa | gdon mi za bar ’byuṅ bar ’gyur ba’i las dag byas śiṅ bsags pas gro bźin skyes ’di ñid kyis las byas śiṅ bsags pa dag gźan su źig gis so sor myoṅ bar ’gyur | dge sloṅ dag las byas (210a1) śiṅ bsags pa dag ni phyi rol gyi sa’i khams la rnam par smin par mi ’gyur | chu’i khams la mi ’gyur | mi’i khams la mi ’gyur | rluṅ gi khams la mi ’gyur gyi ’di ltar las dge ba daṅ mi dge ba byas śiṅ bsags pa dag ni zin pa’i phuṅ (2) po daṅ | khams daṅ | skye mched rnams la rnam par smin par ’gyur te |

.