dper na skyes bu (7) mig daṅ ldan pa źig lam po che’i bźi mdor ’dug nas skye bo’i tshogs chen po ’oṅ ba daṅ | ’gro ba daṅ | ’greṅ ba daṅ | ’dug pa daṅ | spyod pa sna tshogs la rtog par byed pa de bźin du | de de ltar mñam par gźag pa’i sems yoṅs su dag pa | rnam par byaṅ gñon (283b1) moṅs pa med pa | ñe ba’i ñon moṅs pa daṅ bral ba | draṅ por gyur pa las su ruṅ ba la gnas pa | mi g-yo ba thob nas ’chi ’pho daṅ | skye ba śes pa mṅon sum du bya ba’i mṅon par śes pa la sems mṅon du gtod par byed ciṅ | de’i lha’i mig rnam par dag pa mi’i (2) las ’das pas sems can rnams kyi ’chi ’pho rnams daṅ | skye ba rnams daṅ | kha dog bzaṅ po rnams daṅ | dman pa rnams daṅ | gya nom pa daṅ | bde ’gro daṅ | ṅan ’gror ’gro ba rnams kyaṅ mthoṅ źiṅ sems can las ji lta ba bźin ñe (3) bar ’gro ba dag yaṅ dag pa ji lta ba bźin du rab tu śes te | sems can ’di dag ni lus kyi ñes par spyod pa daṅ ldan | ṅag daṅ yid kyi ñes par spyod pa daṅ ldan źiṅ ’phags pa rnams la skur pa ’debs ba daṅ | log pa lta ba daṅ log par lta ba’i chos kyi las blaṅs pa’i (4) rgyus rgyu de daṅ rkyan des lus źig nas | śi ba’i ’og tu ṅan soṅ ṅan ’gro log par ltuṅ ba sems can dmyal ba rnams su skye bar ’gyur ro | sems can ’di dag ni lus kyi legs par spyod pa daṅ ldan | dag daṅ yid kyi legs par spyod pa daṅ ldan źiṅ ’phags pa rnams la skur (5) ba mi ’debs pa daṅ | yaṅ dag par lta ba daṅ | yaṅ dag par lta ba’i chos kyi las blaṅs pa’i rgyus rgyu de daṅ rkyen des lus źig nas bde ’gro mtho ris kyi ’jig rten lha rnams su skye bar ’gyur ro źes bya bar śes so ||

.