de’i tshe dge sloṅ rnams the tshom skyes nas the tshom thams cad gcod pa saṅs rgyas bcom ldan ’das la źus pa | btsun pa tshe daṅ ldan pa sñan pa bzaṅ ldan gyis las ci źig bgyis na las de’i rnam par smin bas mdog ṅan źiṅ lus (2) chuṅ la skad sñan par gyur | bcom ldan ’das kyis bka’ stsal pa | dge sloṅ dag rigs kyi bu sñan pa bzaṅ ldan ñid kyis las tshogs rñed ba | rkyen yoṅs su bsgyur ba ’od pa bźin du ñe bar gnas pa | gdon mi za bar ’byuṅ bar ’gyur ba dag byas śiṅ bsags bas sñan pa bzaṅ ldan (3) ñid kyis las byas śiṅ bsags bdag gźan su źig gis so sor myoṅ bar ’gyur | dge sloṅ dag las byas śiṅ bsags pa dag ni phyi rol gyisa’i khams la rnam par smin par mi ’gyur | chu’i khams la mi ’gyur | me’i khams la mi ’gyur | rluṅ gi khams la mi ’gyur gyi | (4) ’di ltar las dge ba dar mi dge ba byas śiṅ bsags pa dag ni zin pa’i phuṅ po daṅ | khams dag | skye mched dag la rnam par smin par ’gyur te |

.