ka t+ya’i bu de bźin gśegs pa ni mtha’ gñis po de dag la mi rten par ’jig (6) rten la dbu ma’i lam gyis chos ston ciṅ ’di ltar ’di yod pas ’di ’byuṅ | ’di skyes pas ’di skye ste | ’di lta ste | ma rig pa’i rkyen gyis ’du byed | ’du byed kyi rkyen gyis rnam par śes pa | rnam par śes pa’i rkyen gyis miṅ daṅ gzugs | (7) miṅ daṅ gzugs kyi rkyen gyis skye mched drug | skye mched drug gi rkyen gyis reg pa | reg pa’i rkyen gyis tshor ba | tshor ba’i rkyen gyis sred pa | sred pa’i rkyen gyis len pa | len pa’i rkyen gyis srid pa | srid pa’i rkyen gyis skye ba | skye ba’i rkyen gyis (283b1) rga śi daṅ | mya ṅan daṅ | smre sṅags ’don pa daṅ | sdug bsṅal ba daṅ | yid mi bde ba daṅ | ’khrug pa rnams ’byuṅ ste | de ltar na sdug bsṅal gyi phuṅ po chen po ’di ’ba’ źig kun du ’byuṅ bar ’gyur ro ||

.