’di ltar btsun pa tshe daṅ ldan pa maud gal yan chen pos mkhyen par mdzad du gsol | bdag cag gis bcom ldan ’das ma mthoṅ nas riṅ źig (6) lon lags te | bcom ldan ’das la lta ’tshal bas bdag cag śin tu skom ste | bcom ldan ’das la blta bar ’tshal gyis | de ste btsun pa maud gal ya na chen pos rigs śiṅ legs na ni btsun pa maud gal ya na chen pos bcom ldan ’das gaṅ na ba der bźud la druṅ du (7) phyin pa daṅ | bdag cag gi tshig gis bcom ldan ’das kyi źabs la phyag bgyis te gnod pa chuṅ ṅam | gnod par ma gyur tam | myur du bźeṅs sam | ’tsho’am | mthu daṅ ldan nam | bde’am | sñun chuṅ ṅam | bde bar bźugs sam | bde bar gyur tam źes źus la ’di skad (89a1) ces kyaṅ gsol cig | btsun pa ’dzam bu’i gliṅ gi ’khor bźi po dag bcom ldan ’das la blta bar ’tshal na btsun pa sum bcu rtsa gsum gyi lha’i gnas su ’dzeg ciṅ bcom ldan ’das kyi druṅ du bcom ldan ’das la blta ba daṅ bsñen bkur ba’i phyir mchir ’dzam (2) bu’i gliṅ gi mi rnams la de ’dra ba’i rdzu ’phrul daṅ mthum mchis so ||

.