(4) miṅ ’di źes bya ba khyod ñon cig | bcom ldan ’das de bźin gśegs pa dgra bcom pa yaṅ dag par rdzogs pa’i saṅs rgyas des mkhyen ciṅ gzigs te | ’di lta bur rab tu byuṅ źiṅ bsñen par rdzogs pa’i dge sloṅ ma la gnas ’di gsum gsuṅs te | dge sloṅ mas de la (5) gnas na legs par bśad pa’i chos ’dul ba la rab tu byuṅ źiṅ bsñen par rdzogs te | dge sloṅ ma’i dṅos por ’gyur ba ste | gsum gaṅ źe na | chos gos kyi naṅ du rdul khrod pa ni ruṅ ba daṅ mod pa ste | gaṅ la gnas na dge sloṅ ma legs par bśad pa’i chos ’dul ba la rab (6) tu byuṅ źiṅ bsñen par rdzogs nas dge sloṅ ma’i dṅos por ’gyur ba rdul khrod pa’i chos gos kyis tshe daṅ ldan ma miṅ ’di źes bya ba khyod dus ’di nas nam ’tsho’i bar du chog par dad dam | des dad do źes smros śig | lhag par byed na dar ram | ras sam | bgo ba’am | (7) seṅ ras sam | ldum bu śa na’i gos sam | srin pa’am | ras a mi la’am | so mi la’am | la ba’i kha dog srin bu smug po ’dra ba’am | ka śi ka’i phra mo’am | zar ma’i phra mo’am | rtswa du gu la kha phra mo’am | ras ko ta ma ba ka phra mo rnams te | gaṅ gźan yaṅ (114a1) ruṅ ba’i gos dge ’dun las rñed dam gaṅ zag las kyaṅ ruṅ ste de dag las khyed kyis loṅ la tshod zin par gyis śig | ci de ’dra ba’i gnas la mṅon du yi dam ’cha’ ’am | des kyaṅ mṅon du yi dam bca’o źes smros śig | miṅ ’di źes bya ba khyod ñon (2) cig | zas kyi naṅ na bsod sñoms ni ruṅ ba mod pa ste | de la gnas na dge sloṅ ma legs par bśad pa’i chos ’dul ba la rab tu byuṅ źiṅ bsñen par rdzogs te dge sloṅ ma’i dṅos por ’gyur ro ||

.