lhag mthoṅ la gnas pa | du la ba’i dṅos po gsum la mkhas pa | chu bo bźi las rgal pa | rdzu ’phrul gyi rkaṅ pa bźi’i mthil rab tu brtan pa | mi ’jigs pa bźis bsñeṅs pa med pa | yan lag lṅa rnam par spaṅs pa | ’gro ba lṅa las yaṅ dag par ’das pa | (7) yan lag drug daṅ ldan pa | pha rol tu phyin pa drug yoṅs su rdzogs pa | gnas drug la rtag tu gnas pa | byaṅ chub kyi yan lag bdun gyi me tog gis brgyan pa lam gyi yan lag brgyad ’chaṅ ba | mthar gyis gnas pa’i sñoms par ’jug pa dgu la mkhas pa | stobs (130a1) bcu’i stobs daṅ ldan pa | phyogs bcur sñan par grags pa rnams brgya phrag bcu’i dbaṅ du gyur pa las rab tu ṅes pa ni mtshan lan gsum ñin lan gsum du saṅs rgyas kyi spyan gyis ’jig rten la gzigs nas ye śes kyi gzigs pa ’byuṅ ste | gaṅ la ñams | (2) gaṅ la ’phel bar gyur | gaṅ la sdug bsṅal bar gyur | gaṅ dog par gyur | gaṅ gnod par gyur | gaṅ sdug bsṅal daṅ dog pa daṅ gnod par gyur | gaṅ ṅan soṅ la gźol | gaṅ ṅan soṅ la ’bab | gaṅ ṅan soṅ la rab tu ’babs | ṅas gad ṅan soṅ nas phyuṅ ste (3) mtho ris daṅ thar pa la gźag par bya | gaṅ dge ba’i rtsa ba du ma skyes pa rnams la dge ba’i rtsa ba bskyed par bya | gaṅ bskyed pa rnams la yoṅs su smin par bya | gaṅ smin pa rnams la rnam par grol bar bya | yaṅ gsuṅs pa | rgya mtsho chu srin gnas de yaṅ ||

.